2024 წელი მნიშვნელოვანი წელი იყო ზრდისა და თანამშრომლობის კუთხით საქართველოს ფინტექ ასოციაციისა და მთლიანად ფინტექ სექტორისთვის.

2024 წელს ასოციაციას ახალი წევრები და პარტნიორები შემოუერთდნენ, რამაც კიდევ უფრო გააძლიერა ფინტექ საზოგადოება საქართველოში. FIA აქტიურად მონაწილეობდა საერთაშორისო ღონისძიებებში, მათ შორის Dubai Fintech Summit, Baku Fintech Summit, Warsaw Finance Week და Fintech & Banking 2024 Forum, რაც ხელს უწყობს გლობალური კავშირების გაძლიერებას.

ასოციაციამ განსაკუთრებული ყურადღება დაუთმო განათლებასა და ინდუსტრიის განვითარებას, წამოიწყო AML ტრენინგი და თანამშრომლობა დაამყარა მსოფლიოს წამყვან ფინტექ ორგანიზაციებთან. ამ აქტივობებმა ხელი შეუწყო საქართველოს ფინტექ ეკოსისტემის შემდგომ ინტეგრაციას გლობალურ ლანდშაფტში.

FIA კვლავაც ერთგულია ინოვაციების მხარდაჭერის, ინდუსტრიული კავშირების გაძლიერებისა და საქართველოში ფინტექ სექტორის განვითარების ხელშეწყობის.

FIA და Soltesz Institute დაპარტნიორდნენ, საგადახდო, საბანკო და კრიპტო სფეროებში ყოვლისმომცველი საგანმანათლებლო პროგრამების უზრუნველსაყოფად

საქართველოს ფინტექ ასოციაცია სიხარულით გაცნობებთ სტრატეგიულ პარტნიორობას სოლტეზის ინსტიტუტთან, რომელიც მიზნად ისახავს საგანმანათლებლო რესურსების გაუმჯობესებას საგადახდო, საბანკო და კრიპტოვალუტის სფეროებში. ეს თანამშრომლობა ოფიციალურად დაიწყება 2024 წლის სექტემბერში და შემოგთავაზებთ როგორც ონლაინ, ასევე ადგილზე სწავლების შესაძლებლობებს საქართველოს მასშტაბით, როგორც ცალკეულ ინდივიდებს, ასევე ბიზნესებს.

FIA:გასვლითი ღონისძიება კახეთში

29-30 ივნისს, ქალაქ თელავში საქართველოს ფინტექ ასოციაციის წევრთა ყოველწლიური გასვლითი ღონისძიება გაიმართა. შეკრების მიზანს ფინტექ სექტორის ხმის გაძლიერება და დარგის მნიშვნელოვან მოთამაშეებს შორის დისკუსიის გამართვა წარმოადგენდა.

დუბაის ფინტექ სამიტი 2024

FIA-ს და Trescon-ის თანამშრომლობის ფარგლებში ასოციაცია წარმოდგენილი იქნება Dubai Fintech Summit-ზე. სამიტი გაიმართება 6-7 მაისს დუბაიში. მასში მონაწილეობას იღებს 20-ზე მეტი მარეგულირებელი ორგანო, 10-ზე მეტი ბანკი, 40-ზე მეტი ფინტექ და 20-ზე მეტი ბლოკჩეინ ორგანიზაცია და სხვადასხვა წამყვანი ინვესტორები.

საქართველოს ფინტექ ასოციაციის, USAID-ისა და ISET-ის ერთობლივი თანამშრომლობით პოლიტიკის დოკუმენტი შეიქმნა

პოლიტიკის დოკუმენტის მიზანს სექტორში არსებული გამოწვევების წარმოჩენა წარმოადგენს. მასში განხილულია საქართველოში კომერციული ბანკებისა და ფინტექ კომპანიების თანამშრომლობის პერსპექტივები. ამასთან, არსებული პრობლემები და მათი გადაჭრის შესაძლო გზები.

საქართველოს ფინტექ ასოციაცია 2023 წლის რეპორტი

2023 წელი საქართველოს ფინტექ ასოციაციისა და ზოგადად სექტორისთვის სიახლეებით დატვირთული აღმოჩნდა, როგორც სარეგულაციო თვალსაზრისით, ისე ბაზრის დივერსიფიკაციის კუთხით. გასულ წელს ასოციაციას შემოუერთდა ახალი წევრი და პარტნიორი ორგანიზაციები.

ამასთან, ასოციაციის ჩართულობით გაიმართა სხვადასხვა ღონისძიებები, მათ შორის UK-Georgia Fintech Forum, რამაც კიდევ ერთხელ ხელი შეუწყო კავშირების დამყარებასა და საზოგადოებაში ცნობადობის ამაღლებას.